Erling Haaland shpreson dhe beson te fitimi i Champions League, trofe që ai dhe Manchester City nuk e kanë fituar kurrë më parë.
Skuadra angleze do të përballet me Interin në finalen e madhe të Stambollit (10 qershor), përballje ku City niset si favorit.
Por, finalet janë finale dhe bomberi norvegjez e di mirë se zikaltrit e Simone Inzaghit nuk duhen nënvlerësuar aspak.
“Ne besojmë te fitimi i Champions League. Do të bëjmë gjithçka për të realizuar ëndrrën tonë. Ne nuk ndihemi të pathyeshëm, por skuadra ime është e mbushur me lojtarë të rëndësishëm.
Lexo edhe:
- Bayern kthehet nga City, kërkon sulmuesin kampion bote
- PSG mendon seriozisht për Hernandez, nisin kontaktet e para
- Mesfushori i Wolves refuzon Arsenal-in, pret vetëm ofertën e Barcelonës
- Dikur titullarë, sot të padëshiruar, Marseille nxjerr në merkato dy lojtarë
Pastaj është Pep Guardiola. Për mua është nder të stërvitem prej tij. Ai na i bën gjërat shumë të thjeshta dhe gjithmonë ia dalim të zhvillojmë një futboll të bukur”, u shpreh Haaland.
22-vjeçari po shkëlqen në sezonin e parë në ishull. Haaland kryeson renditjen e golashënuesve në Premier League (36 gola), teksa gjatë këtij edicioni ka realizuar plot 52 gola deri tani në të gjithë kompeticionet.
Përpara finales së Champions League, Manchester City do të luajë një tjetër finale. Atë ndaj Manchester United në FA Cup. Derbi do të zhvillohet më 3 qershor në “Wembley” dhe do të transmetohet në SuperSport.
