Kategoria Superiore

S’ka fitues në “Loro Boriçi”, Vllaznia dhe Flamurtari ndajnë pikët

Vllaznia nuk di të fitojë në “Loro Borici”. Në takimin e dytë sezonal, në impiantin shkodran, “kuqeblutë” barazuan 1-1 me Flamurtarin, që tregoi edhe në këtë sfidë se do të jetë një “kockë” e fortë për të gjithë kundërshtarët dhe në çdo fushë. Një ish-futbollist i Vllaznisë, Tomislav Bushiç, ndëshkoi vendasit që në minutën e 17-të, por në kohën shtesë të pjesës së parë, skuadra e Armando Cungut barazoi 1-1 me Olsi Gocajn nga pika e bardhë e penalltisë.

Me gjithë rastet e krijuara në të dyja portat, rezultati mbeti i pandryshuar deri në fund. Për Vllazninë kjo ishte ndeshja e katërt radhazi pa fitore, ndërsa “kuqezinjtë” e Duros sigluan barazimin e dytë radhazi, pas ndalesës në shtëpinë e tyre ndaj Luftëtarit.

To Top