Luka Jovic është zyrtarisht futbollist i Realit të Madridit. Sulmuesi i lindur në Bijeljina, Bosnjë Hercegovinë, ka firmosur kontratë 6-vjeçare me “Los Blancos”. Eintrachti i Frankfurtit, që zotëronte kartonin e futbollistit, do të përfitojë 60 milionë euro.
Në fakt, 30% e kësaj shumë do të shkojë në arkat e Benficas, që vetëm pak ditë më parë kishte arritur marrëveshjen me Eintrachtin, që e kishte huazuar me të drejtë blerjeje, opsion i ushtruar nga gjermanët.
Zidane merr nën urdhrat e tij sulmuesit që kërkonte me ngulm në kuadër të projektit të tij të dytë në krye të Realit. Është vetëm 21 vjeç, por gjatë këtij sezoni me Eintrachtin ka arritur të shënojë 27 gola.