Skënderbeu nuk i la asgjë rastësisë në ndeshjen e parë të fazës së 1/8-ave të Kupës së Shqipërisë me Besëlidhjen në Lezhë. Kampionët e Shqipërisë fituan me rezultatin 1-2, për ta patur thjesht formalitet sfidën e kthimit në Korçë. Në stadiumin “Brian Filipi” të Lezhës skuadra bardhekuqe realizoi që në minutën e 8-të me Otto John, por vendësit barazuan me Camara në të 26-ën.
Në fillimin të pjesës së dytë, pikërisht në 51’, Nazmi Gripshi realizoi të dytin për Skënderbeun, me rezultatin që nuk ndryshoi në minutat e mbetura.
Duhet theksuar se Shehi e kishte marrë seriozisht Besëlidhjen, duke aktivizuar formacionin më të mirë. Në fakt kjo ndeshje ishte edhe një lloj testi për sfidën e së premtes me Partizanin, e vlefshme për javën e parë të fazës së tretë.
Formacionet:
Besëlidhja-Skënderbeu 1-2
(Camara 26’/Otto John 8’, Gripshi 51’)
Besëlidhja: Bajri, Miloti, Dibra, Hoxha (Hasaj 77′), O. Camara, Tea (Përgjoni 64′) Hepaj, I. Kamara, Aboubakar, Fetaj, Rustemaj. Trajner: Vladimir Gjoni.
Skënderbeu: Teqja, Pëllumbi, Sambou, Vangjeli, Abazi, Taipi, Guexh (Qoshku 76′), Dita (Mara 66′), Hoxhaj, Gripshi, Otto John (Ajzeraj 70′) Trajner: Orges Shehi.