Connect with us

Hi, what are you looking for?

Kategoria Superiore

Skënderbeu nis përgatitjet, Memelli: Dua nga dy lojtarë për çdo rol

Pasi realizoi mrekullinë, duke siguruar mbijetesën në gjysmën e dytë të sezonit të kaluar, Skënderbeu ka nisur përgatitjet për kampionatin e ri, ku objektivi primar do të jetë sërish qëndrimi në elitë.

Trajneri Migen Memelli ka merituar konfirmimin në pankinën e “ujqërve të dëborës” dhe menjëherë pas seancës së parë stërvitore u shpreh se është i kënaqur me regjimin që lojtarët kanë ruajtur gjatë pushimeve verore.

“Jemi në nivelin e pritshmërive, pasi lojtarët kishin ndjekur programin e specifikuar gjatë pushimeve. Testet e sotme dhanë rezultate pozitive te lojtarët që kanë qenë edhe sezonin e kaluar, pasi pushimi ka qenë shumë i gjatë, rreth 45 ditë, por janë në nivelin që kërkohet”, tha Memelli.

Deri tani korçarët kanë zyrtarizuar afrimin e katër futbollistëve, ndërsa trajneri Memelli pranon se skuadra ka nevojë ende edhe për 2-3 lojtarë të tjerë dhe i bën apel klubit për t’ia sjellë sa më shpejt në dispozicion, me qëllim që t’i përfshijë në manovrën e ekipit.

“Janë afruar 4 futbollistë dhe do tr’i shikojmë me kujdes në ditët në vazhdim, për të analizuar cilësitë që kanë dhe si mund të përshtatet me ekipin, qoftë në nivelin fizik, por edhe teknik e taktik. Shpresojmë që të afrojmë edhe 2-3 futbollistë para se të mbyllet merkatoja, për të qenë sa më konkurrues. Kam kërkuar të kemi nga dy lojtarë për rol, pasi kampionati është i gjatë dhe do ketë dëmtime e pezullime, dhe të plotësohet skuadra sa më shpejt, para se të fillojë kampionati. Po presim konfirmimin e Sadriut dhe Rexhepit, që janë dy lojtarë shumë cilësorë nga sezoni i kaluar. Do të bëjmë një plotësim në mbrojtje dhe një në sulm. Kërkesat e trajnerëve nuk mbarojnë, por unë jam koshient për limitet që kemi dhe synimet tona në kampionat”, u shpreh trajneri i korçarëve.

Lajme të tjera

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...

Kombëtare

Një humbje djeg gjithmonë edhe në miqësore, megjithatë ajo e Shqipërisë ndaj Suedisë mund të shihet me shumë nota pozitive. Të mposhtur me rezultatin...