Rezultatet e javës së 29-të ë Kategorisë Superiore duket se do të jenë përcaktuese edhe për verdiktet përfundimtare të sezoni. Kështu, fitorja e Flamurtarit ndaj Kukësit i “siguron” në njëfarë mënyrë titullin Partizanit, ndërsa rezultatet në dy sfidat përmbyllëse të javës ia bëjnë shumë më të vështirë Kastriotit qëndrimin në elitë.
Skënderbeu fitoi thellë 4-0 me krutanët, ndërsa Tirana mori tri pikë me shumë vlerë për mbijetesën në “Niko Dovana”, pasi iu imponua 1-3 Teutës, e cila duket se ka humbur busullën në këtë pjesë të fundit të sezonit.
Në Korçë vendasit kishin “hesape” për të larë, ndaj japin më të mirën në fushë për të fituar. Në minutën e 15-të shënoi Gjergji Muzaka, por “tërbimi” i bardhekuqve do të shfaqej në fraksionin e dytë, ku e gjetën rrugën e rrjetës Oto John dhe dy herë Krasniqi.
Ndërkohë, në “Niko Dovana” Tirana gjeti një Teutë të lodhur, të cilën e ndëshkoi me Oduamadin në fund të pjesës së parë, Camara barazoi përkohësisht në të 72-ën, por Edon Hasani dhe Karabeci vunë në kasafortë suksesin, duke vulosur rezultatin përfundimtar 1-3.
Tirana me këtë sukses krijon një distancë prej 6 pikësh me Kastriotin, çka i jep mundësi t’i luajë pa presion ndeshjet e ardhshme, për të mos krijuar ndonjë situatë tjetër kompromentuese për qëndrimin në Superiore.
Flamurtari asist Partizanit, Kukësi i thotë lamtumirë titullit, fitore mbijetese për Luftëtarin