Ferrari vijon të bëjë një sezon zhgënjyes në Formula 1, teksa në Çmimi e Madh të Holandës është regjistruar edhe një episod tërësisht qesharak për një skuadër prestigjoze si ajo italiane.
Në pistën e Zandvoortit filluan reshje të dendura shiu dhe ashtu si të gjithë pilotët, edhe Leclerc shkoi në bokse për të ndërruar gomat, por hasi në një surprizë aspak të këndshme.
Mekanikët nuk ishin bërë gati dhe nuk i kishin gomat pranë, duke bërë që piloti nga Monaco të humbë rreth 13 sekonda më shumë sesa koha mesatare për një ndërrim gomash.
Lexoni edhe:
- De Biasi: Pulisic ka gjithçka i duhet “Djallit”, ju tregoj pretendentët për titullin
- VIDEO/ Daku gjen golin e dytë në Rusi, i shënon Dinamos së Moskës
- VIDEO/ Gosens rilind në Bundesligë, shënon dy herë në ndeshjen e parë si titullar
Kjo e penalizoi jo pak Leclerc, që nuk arriti të hyjë më në ritmin e garës, teksa disa xhiro para fundit u tërhoq fare, për shkak të një problemi në makinë.
