Milan Skriniar i premton besnikëri Interit. Mbrojtësi sllovak, gjatë grumbullimit me kombëtaren e tij, deklaroi se asnjë prej trajnerëve apo ekipeve që kanë shprehur interes për të, nuk e kanë kontaktuar dhe se ato që fliten, janë thjesht zëra merkatoje.
Skriniar deklaroi se nëse do të qëndronte përgjithmonë te Inter, ashtu si Hamsik te Napoli, atëherë ai do të ishte shumë i lumtur. Mbrojtësi 23-vjeçar është kthyer në objekt dëshire për disa skuadra në Europë, ku ndër ekipet më të interesuara, është Manchester United i Jose Mourinhos.
Sllovaku iu bashkua Interit verën e kaluar, teksa erdhi nga Sampdoria dhe që nga ai moment u shndërrua në një pikë fikse, në formacionin e trajnerit Luciano Spalletti, duke bindur të gjithë me paraqitjet e tij.
