Milan Skriniar mbeti jashtë Botërorit “Rusi 2018”, sepse Sllovakia e tij u rendit skuadra e dytë më e dobët, e për rrjedhojë nuk merr pjesë as në pla off. Duke lënë mënjanë zhgënjimin për mungesën e përfaqësueses së tij në Kupën e Botës, mbrojtësi i Interit e kthen fokusin te derbi i Madoninës, që do të luhet të dielën.
“Milani nuk është në krizë, por kjo nuk do të thotë se ne mund të kënaqemi me një rezultat tjetër vec fitores. Vetëm tri pikët do të na ndihmojnë që të rritemi më tej. 6 fitore në 7 takimet e para të kampionatit janë për t’u vlerësuar shumë, sepse kanë ardhur si rezultat i lojës së mirë që kemi zhvilluar. Titulli? Forca jonë është marrja e ndeshjeve një e nga një. Unë, personalisht, duhet të përmirësohem, ndonëse jam i kënaqur me rendimentin e deritanishëm.”
Skriniar vlerësoi me nota pozitive punën e Spallettit, që konsiston në vazhdimësinë e lojës dhe rezultateve.