Baseli fitoi 1-2 kundër Fiorentinës në gjysmëfinalen e parë të Conference League. Pas suksesit fantastik në Firence, drejtuesit e klubit zviceran kanë zyrtarizuar trajnerin e ardhshëm.
I përzgjedhuri është gjermani Timo Schultz, i cili 17 vitet e fundit i ka kaluar te St Pauli si futbollist dhe më pas trajner. Schultz ka firmosur për dy vite dhe do marrë në verë drejtimin e skuadrës ku kapiten është Taulant Xhaka.
Lexo edhe:
- Ekskluzive/ Shqipëria dorëzon aplikimin, synohen finalet e Kampionatit Evropian për 19-vjeçarët
- Arritjet dhe projektet e së ardhmes, fjala e plotë e presidentit Duka në Asamble
- “Kampionati të nisë më 1 prill”, presidenti kampion hedh idenë e çmendur
- I pathyeshëm në stolin e kampionëve, ecuria fantastike e Duros te Struga
Po Heiko Vogel? Ai do të rikthehet në postin e drejtorit sportiv. Gjermani e nisi sezonin si drejtues, më pas mori drejtimin e Baselit.
Vogel po bën shumë mirë dhe është afër dërgimit të Baselit në finalen e Conference League. Sezonin e ardhshëm do të rimarrë postin e drejtuesit.
Sfida e kthimit mes Baselit dhe Fiorentinës do të zhvillohet të enjten e ardhshme (18 maj) dhe do të transmetohet në SuperSport.