Shkupi është aktualisht klubi i vetëm shqiptar në Champions League teksa ia dolën me sukses në raundin e parë, aty ku eliminuan me jo pak vështirësi ekipin nga Gjibraltari të Lincoln Red Imps. Megjithatë, fokusi i Shkupit është vetëm te ndeshja e radhës ndaj gjigandëve kroatë të Dinamo Zagreb në kuadër të raundit të dytë.
Një sfidë e komplikuar me siguri, por që gjithsesi skuadra shqiptare do të provojë të bëjë mrekullinë dhe të vijojë aventurën europiane në kompeticionin e rëndësishëm.
Nga ana tjetër, në shortin e hedhur në Nyon të Zvicrës, Shkupi ka mësuar edhe kundërshtarin e raundit të tretë në rast se kalon me sukses Dinamo Zagreb teksa në krahun tjetër i pret fituesja e çiftit Ludogorets (Bullgari) dhe Shamrock Rovers (Irlandë).