Mes kampionatit dhe Kupës së Belgjikës, skuadra e Mechelen nuk fitonte prej tetë ndeshjesh duke u futur në një krizë të thellë rezultatesh. Megjithatë, zyrtarizimi i Besnik Hasit si trajner vetëm para pak ditësh, duket se ka dhënë efektin e duhur te Mechelen.
Ekipi u rikthye te fitorja në elitën e kampionatit belg teksa mposhti me shifrat 1-0 Cherleroi me trajnerin shqiptar që iu gëzua triumfit duke e ndjekur skuadrën e tij të re nga tribuna. Hasi është një trajner me mjaft eksperiencë, sidomos në Belgjikë ku fitoi edhe titullin kampion si dhe Kupën nën drejtimin e Anderlecht.
Lexo edhe:
- Tragjedi në futbollin shqiptar, Dwamena ndërron jetë në moshën 28-vjeçare
- “As kartoni i verdhë nuk e ndali”, trajneri i Legias vlerëson ish-mesfushorin e Tiranës: Më lumturoi!
- U rrëzua për të mos u ngritur më, fundi i hidhur i goleadorit dhe kapitenit Dwamena
- “Duhet kujdes me Brojën”, Sylvinho: Për mua nuk ka rëndësi nëse një lojtar luan në Kore apo Shqipëri
Prej marsit të vitit 2022 Hasi ishte pa skuadër, por tashmë është rikthyer në kampionatin që e njeh mjaft mirë duke e nisur me “këmbën e mbarë”. Aktualisht, skuadra e 51-vjeçarit shqiptar renditet në vendin e 11-të me 15 pikë teksa synimi është që Mechelen të renditet në pjesën e sipërme të tabelës së klasifikimit për të qenë pjesë e ekipeve që luftojnë për titullin.
