Islam Slimani mund të nisë një aventurë të re larg Premier League. Sulmuesi është shumë pranë largimit nga skuadra e Leicester, pasi nuk po gjen vend në formacionin e trajnerit Claude Puel dhe për këtë arsye mund t’i japë lamtumirën ekipit nga “King Power Stadium”, që gjatë kësaj merkatoje. Algjeriani me shumë mundësi pritet të transferohet në Turqi te skuadra e Besiktas, që ka kohë në ndjekje të tij.