Atletikë

Smajlaj premton medalje edhe në Europian, Ruli: Hyjmë në garë si kampionë

Izmir Smajlaj, rekordmeni absolut në Shqipëri në garat e kërcimit së gjati vazhdon të shkëlqejë edhe në arenën ndërkombëtare. Medalja e artë në Europianin e shteteve të vogla, të zhvilluar në Lihtenshtejn, ishte vetëm përgatitja përpara Kampionatit Europian që do të nisë në Berlin në muajin gusht.

Izmir Smajlaj

“Ishte gjysma e Europës, mora të artën mes 19 shteteve”.

Sipas Gjergj Rulit, kreut të Federatës së Atletikës, njëkohësisht edhe trajnerit të atletit shkodran, Shqipëria është me fat që e ka një sportist si Izmiri.

Gjergj Ruli

“Izmiri është një prej atletëve më të mirë në botë”.

Suksesi në Lihtenshtejn erdhi pas kërcimit 7 metër e 90 centimetër, rezultati jo më i mirë për atletin, që gjithsesi premton rekorde të tjerë.

Izmir Smajlaj

“Për mua ka rëndësi vendi i parë, jo rezultati”.

Trajneri Ruli tregoi edhe se Smajlaj shkoi fare pranë rekordit në garën e fundit ndërkombëtare, me një provë mbresëlënëse që u quajt e pavlefshmer për shkeljen e vijës.

Gjergj Ruli

“Izmiri është kampion Europe, po mbron titullin”.

Objektivi i Izmir Smajlajt tashmë është të rikonfirmohet si kampion Europe dhe besimi nuk mungon.

Izmir Smajlaj

“Shpresoj ta konfirmoj prapë veten”.

Po kaq optimist është edhe trajneri i kampionit të atletikës, që përveç besimit në synimet për medalje në Europianin e Berlinit, beson edhe se ky do të jetë viti i një tjetër rekordi.

Gjergj Ruli

“Po përgatitemi për Kampionatin Europian në Berlin”.

 

To Top