Aleksandar Sofranac kthehet në vendlindje pas përvojës së dështuar me Dinamon në Kategorinë Superiore. Mbrojtësi 31-vjeçar është bërë zyrtarisht pjesë e Deçiçit në Malin e Zi.
Njoftimi është bërë nga klubi me seli në Tuz në rrjetet sociale. Sofranac konsiderohej një nga pikat më të forta të Dinamos në mbrojtje, por kontributi i tij nuk mjaftoi për të shmangur rënien. Ai është aktivizuar në 24 ndeshje të kampionatit dhe ka shënuar një gol, atë në humbjen 2-1 përballë Vllaznisë, në fillim të muajit mars.
