Ander Herrera ka gjetur akordin për firmosjen e një marrëveshjeje të re me Manchester United. Kështu shkruajnë mediet angleze, sipas të cilave mesfushori bëhet i pesti lojtar që gjen gjuhën e përbashkët me drejtuesit e klubit për të rinovuar, që kur në stolin e skuadrës është ulur Ole Gunnar Solskjaer.
Kontrata aktuale e Herreras përfundon në fund të këtij sezoni, ndërkohë që më herët shumë klube ishin interesuar për ta transferuar atë me parametër zero.
Largimi i Mourinhos dhe ulja në stol e Solskjaer duket se ka bindur shumë lojtarë të “Djajve” që të vazhdojnë të qëndrojnë në “Old Trafford”, duke firmosur rinovimin e kontratës.
