Ardhja e trajnerit norvegjez Ole Gunnar Solskjaer në stolin e Manchester Unitedit, ka rezultuar më shumë se e suksesshme për klubin, që tashmë është rikthyer bindshëm në garë për një vend në zonën Champions të renditjes.
Megjithatë nuk duket kaq i lumtur qendërsulmuesi i skuadrës, belgu Romelu Lukaku, i cili ka humbur vendin e titullarit, pasi nuk është i përshtatshëm për skemat e trajnerit Solskjaer.
Pikërisht për këtë arsye, belgu po mendon largimin nga skuadra angleze, ndërsa destinacioni i tij i preferuar është kampionati italian dhe konkretisht Juventusi, ku do të bënte realitet ëndrrën e tij për të luajtur përkrah Cristiano Ronaldos.
E thotë këtë e përditshmja angleze “The Sun”, sipas të cilës edhe vetë klubi italian po ndjekë me vëmendje situatën e belgut, të cilin e sheh si pasuesin e denjë të kroatit Mario Mandzukiç, pasi dy futbollistët kanë disa ngjashmëri në mënyrën e lojës.
Megjithatë për të arritur te Lukaku, Juventus duhet të ofrojë të paktën 70 milionë euro për United, ose të përfshijë në negociata Alex Sandron, një futbollist që “Djajtë e kuq” e kanë admiruar gjithmonë.