Connect with us

Hi, what are you looking for?

Premier League

Solskjaer luan pankinën ndaj Liverpool, Conte gati të rikthehet në Angli

Ole Gunnar Solskjaer vijon të konfirmohet në pankinën e Manchester United pavarësisht rezultateve negative, megjithatë në rast të një disfate këtë të diel në përballjen historike ndaj Liverpool, atëherë do të komplikohej rrugëtimi drejt titullit, ashtu si edhe qëndrimi i trajnerit norvegjez.

Ky i fundit e di mjaft mirë rëndësinë e përballjes në “Old Trafford” dhe njëkohësisht di edhe faktin që pas dere po pret një tjetër emër i madh i trajningut, si italiani Antonio Conte, që është i papunë dhe nuk e ka fshehur asnjëherë dëshirën për t’u rikthyer në Premier League.

Pasi refuzoi Newcastle-n pak ditë më parë, Conte sheh Manchester united si klubin ideal për t’u rinisur, pasi “djajtë e kuq” kanë pas vetes historinë e një klubi të madh, një grup futbollistësh nga më të mirët në qarkullim dhe mbi të gjitha financat e duhura për të kënaqur teknikun italian.

Mediat britanike janë të bindura që mes Contes dhe drejtuesve të Manchester United kanë nisur tashmë negociatat dhe pritet vetëm rrëshqitja e radhës e Ole Gunnar Solskjaer, që të ndodhë edhe ndryshimi në pankinë.

E nëse gjithçka do të konfirmohet, atëherë sigurisht që të lumtur jo pak do të jenë edhe emra si Ronaldo e Pogba, me të parin që më në fund do të mund të luajë si sulmues i dytë në një 3-5-2 dhe francezin që pikërisht me këtë skemë ka bërë më të mirën e tij kur vishte fanellën e Juventusit.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...