Manchester United mori një fitore dramatike kundër West Hamit dhe meritë të veçantë kishte portieri De Gea, që priti penalltinë në minutën e pestë shtesë të ekzekutuar nga Noble, duke ruajtur epërsinë 1-2. Një sukses që shpëtoi trajnerin Ole Gunnar Solskjaerin nga vendosja në “gijotinë”, pas asaj humbjeje të rëndë në Champions kundër Young Boys.
“Djajtë e Kuq” janë në vendin e tretë të Premier Leagues me 13 pikë, aq sa kanë grumbulluar edhe Livepooli e Chelsea, por golaverazhi i “The Reds” dhe I bluve të Londrës është më i mirë.
Ecuria e rezultateve e bën United pretendent për titullin e Premier Lesgues-s, por Solskjaer refuzoi të përfshihej në këtë temë, duke u shprehur me sarkazëm se “një ditë më parë po humbte punën”, ndërsa tani flitet për trofenë madhor në Ishull. Nënshkrimet e kësaj vere, sidomos mbërritja e Jadon Sachos dhe Cristiano Ronaldos, kanë rritur pritshmëritë të “Djajtë e Kuq”,
Norvegjezi u kritikua ashpër në mesjavë nga disa legjenda të klubit si Rio Ferdinand, Peter Schmeichel dhe Paul Scholes. Ferdinand e paralajmëroi se duhet të fitojë trofe këtë sezon, përndryshe do të përballet me shkarkimin ndërsa Schmeichel i përshkroi taktikat e norvegjezit si “të çuditshme”.
“Nuk duhet të flasim tani për titullin. Janë luajtur vetëm pesë ndeshje në këtë sezon të ri. Ndoshta isha “i shkarkuar” para ndeshjes me West Hamin. Për titullin mund të flasim në prill apo maj,” – deklaroi Solskjaer, i cili theksoi më tek se përtej tri pikëve të marra në ndeshjen e fundit, “Djajtë e Kuq” duhet të përmirësohen në lojën e tyre.
