Bayer Leverkusen katapultohen në vendin e tretë në Bundesligë falë suksesit 1-2 në fushën e Borussias së Moenchengladbachut. Edhe pse humben dy penallti gjatë ndeshjes, “Aspirinat” ia dolën të largoheshin me tri pikë nga “Borussia-Park”, ku të gjitha episode e rëndësishme të sfidës u shënuan në pjesën e dytë.
Patrik Schick humbi 11-metërshin e parë në minutën e 50-të përballë zvicëranit Sommer, por vetëm një minutë më vonë miqtë shënuan me Robert Andrich në zhvillimet e një këndoreje.
Schick, i cili gaboi penalltinë e parë, e shleu fajin me golin e 0-2 në minutën e 74-t. Vendësit e rihapën ndeshjen në minutën e 81-të me golin e Elvedit, për të ardhur më pas te minuta e 88-të, kur Sommer edhe në këtë rast ishte i pakalueshëm, duke mbajtur në lojë të tijtë. Gjithsesi, në minutat e mbetura dhe në shtesë nuk pati ndryshim tjetër rezultati.
