Anglia zbriti në Ligën B të Nations League dhe Gareth Southgate tashmë rrezikon të humbasë drejtimin e skuadrës së “Tre Luanëve”.
Duke folur para ndeshjes me Gjermaninë, që zhvillohet këtë të hënë në orën 20:45 dhe transmetohet ekskluzivisht në “Super Sport 2”, trajneri i Anglisë theksoi se e di që mund të shkarkohet pas Kupës së Botës Katar 2022 që nis në nëntor.
“Nuk jam budalla, e di që do të vlerësohem për rezultatet e Kupës së Botës. Kontratat janë të parëndësishme në futboll, nëse rezultatet nuk janë mjaftueshëm të mira. Kontrata ime nuk më mbron në këtë kuptim”,-tha Southgate.
