Connect with us

Hi, what are you looking for?

Katar 2022

Southgate, i impresionuar nga dyshja e mesfushës: Por Franca, e jashtëzakonshme!

Anglia fitoi lehtësisht 3-0 ndaj Senegalit dhe siguroi kualifikimin në çerekfinalet e “Katar 2022”. Në fillim ishte Jordan Henderson që zhbllokoi rezultatin pas një asisti të bukur nga Jude Bellingham, ndërsa në minutat shtesë erdhi edhe zhbllokimi i kapitenit Harry Kane. Sfidën e vendosi Bukayo Saka me golin e tij në fraksionin e dytë.

Në pronocimin pas përfundimit të sfidës, tekniku Gareth Southgate u shafq i kënaqur me ekipin e tij. Në veçanti vlerësoi dyshen e mesfushës Bellingham–Henderson.

“Jam i kënaqur me saktësinë tonë para portës dhe mënyrën sesi skuadra punoi. Ne nuk e nisëm sfidën mirë dhe vuajtëm në minutat e para, pasi Senegali kishte shumë energji dhe po ushtronte presion.  Mundësitë tona më të mira erdhën nga rifitimi i topit, mendoj se Bellingham dhe Henderson ishin të jashtëzakonshëm në këtë aspekt, fenomenalë.  Harry Kane gjeti rrugën e rrjetës, por mendoj se loja e tij është më e rëndësishme për ne. Sot ai luajti shumë mirë, sidomos në pjesën e dytë të ndeshjes.”

Në çerekfinale Anglia do të përballet me kampionët e botës në fuqi. Southgate vlerësoi Francën dhe deklaroi se për të avancuar më tej, Anglia duhet të luajë sfidën më të mirë të mundshme.

“Franca është një ekip i jashtëzakonshëm me rekorde të shkëlqyera dhe individë të mrekullueshëm. Ne do të duhet të luajmë në nivelin tonë më të mirë të mundshëm.”

 

 

Lajme të tjera

Legjionarët

Moment i vështirë për Armando Brojën. Sulmuesi shqiptar mori ftesë nga Sylvinho për t’u grumbulluar me kuqezinjtë për miqësoret e muajit mars, por pavarësisht...

Kombëtare

Sulmi është reparti që i ka shtuar më së shumti telashet trajnerit Sylvinho në prag të Euroianit të Gjermanisë, pasi thuajse të gjithë futbollistët...

Kombëtare

Sylvinho publikoi sot listën e lojtarëve që do të përfaqësojnë kombëtaren shqiptare në dy miqësoret përballë Kilit dhe Suedisë. Të programuara për datat 22...

Legjionarët

Ernest Muçi ka shënuar golin e dytë me fanellën e Besiktas. Sulmuesi kuqezi shndërroi në gol një pasim të Milot Rashicës, i cili shërbeu...