Luciano Spalletti festoi suksesin e parë personal në stolin e Italisë, me ish-trajnerin e Napolit që triumfoi 2-1 ndaj Ukrainës në “San Siro”.
Fitore shumë e rëndësishme, me Italinë që tani prek vendin e dytë në grup, ndërsa Spalletti theksoi se ishte një sukses i domosdoshëm.
Lexoni edhe:
- Triumfi ndaj Rumanisë, Duka: Urime Kombëtares U21 për fitoren që na dhuroi emocione të mëdha!
- FOTO/ Reagon sërish Vojvoda: Turp për Rumaninë, krenaria jonë më e madhe që jemi shqiptarë!
- “Dëmtim i karakterit dhe imazhit profesional”, Bonucci hedh në gjyq Juventusin
- Pas super formës me Kombëtaren, Ramadani nis menjëherë punën me Lecce për transfertën e Monzas
Ndërkohë, trajneri foli edhe për çështjen Donnarumma, me trajnerin që kërkoi heshtje nga lojtarët e tij dhe të kuptojnë se kur kritikohen, duhet të flasin në fushë dhe jo në medie.
“Ishte një mbrëmje shumë e rëndësishme. Sigurisht, kur rezultati kërkohet me çdo kusht, situate bëhet akoma edhe më e vështirë për t’u menaxhuar, por në fund ia dolëm. Skuadra luajti shumë mirë, por nuk është se ishim perfekt, sidomos në fundin e pjesës së parë. Sot flasim me rezultate, ndaj Maqedonisë së Veriut e vuajtëm barazimin, sot le ti gëzohemi tri pikëve. Lojtarët duhet të kuptojnë rëndësinë e fanellës, rëndësinë e çdo ndeshje dhe të sakrifikojnë në çdo cep të fushës. Donnarumma? Kemi folur shumë. Të shohësh një djalë që disponon këtë talent dhe ndonjëherë nuk e përdorë në mënyrën e duhur patjetër që tërheqë vëmendje. Jemi të privilegjuar, nëse na fishkëllejnë është sepse nuk e meritojmë të duartrokitemi. Ne jemi këtu dhe kemi një shans që të gjithë do të donin ta kishin, por jo, ndaj duhet që gjithmonë të jemi të përulur ndaj popullit tonë, të punojmë fortë dhe të reagojmë në fushë, me rezultate dhe jo në medie. Askush nuk duhet të flasë më shumë se i ai takon, ne kemi për detyrë të sillemi si profesionistë, jo si fëmijë të llastuar.” – përfundoi Spalletti.
