Humbja me Sassuolon në premierën e kampionatit rëndon shumë në shtëpinë e Interit, megjithatë trajneri Luciano Spalletti kërkon të ruajë qetësinë, Sigurisht që atij nuk i ka pëlqyer paraqitja e skuadrës në “Mapei Stadium”, por nuk është rasti për ta bërë dramë.
“Ata zhvilluan një ndeshje të mirë, u treguan të zotë në kundërsulm dhe zgjodhën gjithmonë momentin e duhur për të bërë presion.”
Spalletti nuk dëshiron të justifikohet apo të gjejë alibi, sipas tij, mungesat e rëndësishme në kampin zikaltër nuk ndikuan në lojë.
“Mungesat e Skriniar dhe Nainggolan? Nuk ndikuan, ndeshjet i fitojnë apo i humbasin ata që luajnë.”
Shumë gabime në fazën mbrojtëse, sidomos në pjesën e parë Dalbert u duk në vështirësi.
“Në ndonjë rast nuk ishte në kohë në ndërhyrje, por më pas bëri ndeshjen e tij. Mund të bëjë më mirë në aspektin sulmues, me krosimet e tij. Më duket e pavend t’ia vesh fajin për humbjen një mbrojtësi krahu.”
Në fakt, zhgënjeu edhe Lautaro Martinez, me Spallettin që duhet të ndryshojë edhe zgjedhjen e formacionit titullar. Sipas tij humbja erdhi vetëm për një 11-metërsh.
Hapi prapa i Interit ishte vetëm penalltia, sepse ndeshjen e humbëm vetëm nga ky rast. Nuk vuajtëm në kontrollin e lojës dhe kundërshtari nuk pati raste të tjera të rrezikshme përveç dy-tre momenteve ku kërkoi të na kapte në befasi nëpërmjet kundërsulmit.
