Spanja ëshët e pandalshme në eliminatoret e Euro 2020-ës, teksa mbrëmjen e sotme ka mposhtur Suedinë me rezultatin 3-0, duke regjistruar fitoren e katërt në po kaq ndeshje të zhvilluara në grupin përkatës.
Skandinavët arritën të rezistojnë për plot 64 minuta në “Santiago Bernabeu”, por më pas nëj 11-metërsh në favor të vendasve, u ekzekutua saktësisht nga qendërmbrojtësi Sergio Ramos, i cili zhbllokoi rezultatin.
Më pas ishin Alvaro Morata dhe Odriozola, ata që shënuan sërish në portën e Suedisë, duke kompletuar suksesin e radhës ëpr Spanjën, që duket se do ta sigurojë shumë shpejt kualifikimin për në Euro 2020.
Maqedonia e Veriut humbi një tjetër ndeshje në Shkup, këtë herë përballë Austrisë, ku ndonëse arriti të kalojë e para në avantazh, më pas pësoi plot 4 gola dhe doli kokëulur, duke mbetur në vendin e pestë.
Po në të njëjtin grup, Polonia nuik e ndal hapin, pasi mposhti me rezultatin e thellë 4-0 Izraelin, dhe blindopi pozitat në krye të renditjes.
Në grupin e Kosovës, përveç “Dardanëve” fitore mori edhe Republika Çeke, që mposhti me rezultatin 3-0 Malin e Zi, duke barazuar me pikë Anglinë, në krye të renditjes.
