Barazim spektakolar 2-2 në sfidën mes Leicester City-t dhe Chelsea-t, duel që hapi javën e 25-të të Premier League. Pas një pjese të parë ku për t’u përmendur ishte vetëm një rast i humbur nga Jamie Vardy i cili përballë Caballeros u ndal nga portieri argjentinas, fraksioni i dytë i lojës solli plot 4 gola. Rudiger zhblloki shifrat që në të 46-ën por Barnes dhe Chillwell në të 64-ën përmbysën rezultatin në favor të dhelpërave. Megjithatë për ti prishur festën skuadrës së Brendan Rodgers mendoi sërish Rudiger që në të 71-ën i shërbyer sërish nga Mount mposhti për herë herë të dytë portierin Schmeichel. Leicester e pati mundësinë ideale për ta fituar ndeshjen por Barnes humbi një rast të artë pas asisit të Vardy-t. Me këtë barazim Leicester ruajti diferencën prej 8 pikësh në renditje me Chelsea-n e vendit të 4-t, që nëse vazhdon të mos fitojë mund të rrezikojë zonën Champions. Ky ishte edhe barazimi i tretë radhazi në sfidat mes këtyre dy skuadrave.
