Java e 8 e kampionatit italian të futbollit nisi me sfidën mes Lazios dhe Atalantës në “Olimpico”, që rezultoi një spektakël i vërtetë, me plot 6 gola të shënuar dhe shumë raste për të dy skuadrat, që në fund ndanë nga një pikë falë barazimit 3-3.
Pjesa e parë u dominua totalisht nga zikaltrit e Gasperinit, që shënuan dy herë me Muriel dhe një herë me Papu Gomez, duke çuar rezultatin në 0-3 dhe duke dhënë sinjalin se fitorja do të ishte thjesht formalitet.
Por reagimi i Lazios ishte vërtetë spektakolar dhe dy penallti të shndërruara në gol nga Ciro Imobile, në minutën e 69’ dhe të 93-të, si dhe goli i Correas në të 70-ën, bëri që bardhekaltrit të shmangnin humbjen dhe të merrnin një pikë, që ka vlera të mëdha, për mënyrën sesi erdhi.
