Dritë në “San Siro” me 365 prozhektorë led, që ishin instaluar pas një pune 39-ditore dhe që u përdorën për herë të parë për derbin e sotme, dhuruan një spektakël të vërtetë para se të fillonte sfida mes Milanit dhe Interit.
Nuk mbetën pas as tifogrupet e dy skuadrave, që shpalosën pankarta gjigante dhe koreografi spektakolare, duke shtuar ndjeshëm dozën e emocioneve te futbollistët dhe të gjithë spektatorët e telespektatorët.
Nuk mungoi as një mesazh i fortë kundër racizmit, me futbollistët e të dy skuadrave, që u bënë bashkë për të pozuar nën moton “Derbi kundër racizmit”.