Reali i Madridit ka kaluar në finalen e Botërorit për klube, pasi mposhti në gjysmëfinale japonezët e Kashima Antlers, pasditen e sotme në Emiratet e Bashkuara Arabe.
Madrilenët triumfuan me rezultatin 1-3, të udhëhequr nga një Gareth Bale në superformë, që shënoi të tre golat për skuadrën e drejtuar nga Santiago Solari.
Uellsiani zhbllokoi sfidën në minutën e 44-t, për të shënuar më pas edhe dy herë të tjera në të 53-tën dhe 55-tën, ndërsa goli i Doi për japonezët, vlejti vetëm për statistikë.
Finalja do të zhvillohet të shtunën në mbrëmje dhe përballë kampionëve të Europës do të jenë vendasit e Al Ain, të cilët eliminuan dje argjentinasit e River Plate.
