Connect with us

Hi, what are you looking for?

Kupa e Francës

Spektakël në “Velodrome”, Marseille triumfon dhe nxjerr PSG-në jashtë Kupës

Ashtu siç pritej, Marseille-PSG ishte një sfidë e gjitha për t’u shijuar, pasi skuadrat dhuruan “show”, në takimin e vlefshëm për 1/8 e Kupës së Francës.

Në “Velodrome”, marsejezët triumfuan 2-1 ndaj skuadrës së Galtier, që heq kështu dorë nga një trofe i sezonit edhe pse në këtë ndeshje u rikthye Neymar dhe Sergio Ramos.

Marseille u shfaq menjëherë kërkuese duke vizituar shpesh portën e Donnarumma-s, ndërsa goli i avantazhit u shënua në minutën e 31-të, me autor Alexis Sanchez. Sulmuesi u tregua i saktë nga pika e bardhë e penalltisë, duke mposhtur portierin italian të parizienëve.

Një gol i cili vendosi në punë sulmin e PSG dhe kampionët e Francës reaguan në limitet e fraksionit, pasi në minutën e dytë shtesë barazuan me Sergio Ramos, me spanjollin që shfrytëzoi pasimin e Neymar.

Pjesa e dytë dhuroi një futboll më të kujdesshëm, por me një PSG që u zbeh në fazën sulmuese dhe diçka të tillë e shfrytëzuan në maksimum vendasit.

Në minutë e 57-të, Ruslan Malinovsky realizoi golin e dytë, duke treguar se po kalon një formë të mirë në aspektin personal.

Marseille ia doli mjaft mirë për të administruar kronometrin dhe rezultati nuk ndryshoi në fund.

Marseille prek kështu fazën çerekfinale në Kupën e Francës dhe rikthehet te suksesi ndaj PSG pas 5 ndeshjeve, ndërkohë parizienët pësuan humbjen e tretë në këtë vit, duke treguar se përsëri nuk janë në ritmin e duhur, duke mbyllur këtu aventurën në Kupë.

Lajme të tjera

Euro 2024

“Spanja dhuroi spektakël, është një skuadër e jashtëzakonshme me lojtarë të rinj të pabesueshëm. Është një model i pakonkurrueshëm për t’i dhënë vlerë akademisë....

Kosovë

Aventurë e re për Arijanet Muric, portierin titullar të përfaqësueses së Kosovës. 25-vjeçari dardan do të jetë pjesë e Ipswichit në katër sezonet e...

Ligue 1

Joao Nevesit do të jetë goditja e madhe e PSG-së në mesfushë. Talenti portugez kërkohet me ngulm nga trajneri Luis Enrique. 19-vjeçari është pjesë...

La Liga

Pedri, ishte mungesa e madhe e Spanjës në ndeshjet më të rëndësishme të Euro 2024, me mesfushorin që u dëmtua pas një përplasje të...