Kosova po shndërrohet “toka e premtuar” për shumë futbollistë të kampionatit shqiptar, të lindur në Shqipëri ose të ardhur nga jashtë, që kërkojnë ta shfrytëzojnë Kategorinë Superiore për trampolinë.
Lojtari i radhës që i bashkohet IPKO Superligës së Kosovës është mbrojtësi brazilian, Brunio Arrabal, i cili sezonin e kaluar spikati te Kamza, deri në momentin kur ekipi u pezullua nga kampionati për shkak të dhunës ndaj gjyqtarit Hamiti.
Është skuadra e Llapit që ka zyrtarizuar marrëveshjen 1-vjeçare me mbrojtësin 21-vjeçar.
Janë të shumtë futbollistët që kanë “braktisur” Shqipërinë për Kosovën në këtë merkato verore. Kjo lidhet me faktin që futbolli kosovar është rritur cilësisht por edhe sa u përket pagave.