Sportisti italian i “Handbike”-ut, Alex Zanardi u përfshi në një aksident të rëndë automobilistik në një komunë të Sienas, teksa ishte duke garuar me biçikletën e tij në një nga etapat e garës “Objektivi tringjyrësh”.
Të dhënat e para nga vendi i aksidentit flasin për përfshirjen edhe të një automjeti të peshave të rënda, ndërsa Zanardi është transportuar me helikopter në spital, pasi është në gjendje të rëndë shëndetësore.
Kampioni i shumëfishtë i “Handbike” ndodhej në një rrugë rurale në komunën e Pienzas, kur u përfshi në aksident me një kamion, pasi dyshohet se kishte humbur kontrollin e biçikletës së tij.