Prania e trajnerit Edi Reja në “Loro Boriçi”, në sfidën që do të vendoste fatin e Christian Panuccit, shtoi zërat se mund të jetë 73-vjeçari trajneri i huaj i radhës i kuqezinjve. Por Reja ka treguar të vërtetën e vizitës së tij në vendin tonë. Ai u shpreh se ka ardhur në Shqipëri për të parë disa futbollistë.
“Ka qenë një ndeshje e mirë e Shqipërisë për rreth 15 minuta, më pas skuadra pati vështirësi dhe nuk konkludoi rastet. Unë kam ardhur në Shqipëri të shoh disa lojtarë, sepse punoj për shoqëri të ndryshme italiane dhe kjo është arsyeja pse jam në lëvizje”.
Ndërsa mundësisë që ai të jetë trajneri i Shqipërisë i është përgjigjur:
“Jo, jo. Nuk flas për këtë gjë”.