Ish trajneri i Interit, Andrea Stramaccioni është larguar nga drejtimi i skuadrës së Esteghalit në Iran, pasi kontrata mes tij dhe klubit u shpall e pavlefshme nga FIFA për shkak të disa problemeve me ligjin e sportit atje.
Nën drejtimin e Stramaccionit dhe ndihmësve të tij italianë, Esetghali kryesonte renditjen në kampionat ndërsa fansat e klubit dolën sot paradite në protestë para Ministrisë Iraniane të Sporteve.
Vetë tekniku italian pranoi se është larguar për të respektuar vendimi ne FIFA-s dhe se nuk ka nënshkruar me asnjë klub tjetër, por është gati të rikthehet në Iran, nëse zgjidhen problemet që e penalizojnë kontratën.
“Nuk kam nënshkruar me asnjë klub tjetër dhe unë e stafi im jemi gati të rikthehemi te Esteghal, nëse zgjidhet ngërçi ligjor. Nuk është e lehtë të largohesh nga një skuadër që e ke ngjitur në krye të renditjes, pro jemi profesionistë dhe duhet të respektojmë vendimin e FIFA-s”, deklaroi Stramaccioni.