Do të diskutohet mes Paris Saint Germain dhe St Ettiene, finalja e Kupës së Francës për vitin 2020. Në gjysmëfinalen e dytë atë mes St Ettiene dhe Rennes, skuadra e Claud Puel nxorri jashtë kompeticionit kampionët në fuqi të kompeticioni. Atëherë kur menduan se kjo ndeshje do i drejtohej shtesave një gol në minutën e 93-të i algjerianit Ryad Boudebouz, kualifikoi St Ettiene në finale falë suksesit me shifrat 2-1. Më herët Niang kishte kaluar në avantazh Rennes me një 11-metërsh në minutën e 33-të, ndërsa 10 minuta më vonë mbrojtësi Kolodziejczak arriti të kthente barapeshën. Tashmë vëmendja do të jetë e gjithë te finalja ndaj PSG edhe pse të dyja skuadrat kanë kohën e mjaftueshme për të menduar për këtë sfidë. Në fund të sfidës ndaj Rennes, tifozët e St Ettiene pushtuan fushën duke iu gëzuar kalimit të skuadrës së tyre në finalen e Kupës së Francës, pas plot 38 vitesh.
