Sulejman Starova duket se është abonuar me barazimin pa gola, të cilin e regjistroi edhe sot në ndeshjen hapëse të javës së 31-të të Vala Superligës. Në transfertën ndaj Drenicës, skuadra e Feronikelit nuk shkoi më shumë se barazimi pa gola, pavarësisht pritshmërive për një tjetër rezultat, ndërsa tani skuadra nga Drenasi do të duhet të bëjë llogaritë edhe me mbijetesën.
Sulejman Starova mori drejtimin e Feronikelit më 20 Mars dhe prej atëherë ka regjistruar 6 barazime dhe një humbje, ndërsa 5 nga 6 barazimet, janë në shifrat 0-0. Vala Superliga do të vijojë nesër me 5 ndeshjet e tjera të kësaj jave, ku vëmendja do të jetë në Gjilan, me Dritën kryesuese pret Lirinë e Prizrenit.