Sulejman Starova ka marrë fitoren e tij të parë në aventurën si trajner i Feronikelit, në Vala Superligën e Kosovës. Skuadra nga Drenasi triumfoi me rezultatin e thellë 0-3 në transfertën kryeqytetase ndaj Flamurtarit të Prishtinës, duke siguruar përfundimisht mbijhetesën direkt në Superligë.
Fitore sot morën edhe Trepça ’89, që mposhti 6-1 Vllazninë e Pozheranit, dhe Llapi i Podujevës që triumfoi 3-4 në transfertën ndaj Besës së Pejës. Kjo bëri që përfundimisht Llapi të mbyllë sezonin në vendin e 3-të, ndërsa Trepça në të 4-tin, pavarësisht rezultateve që do të prodhohen në takimet e mbetura.
Nga ana tjetër, Besa e Pejës dhe Vllaznia e Pozheranit përfundimisht zbresin në Kategorinë e Parë, ndërsa Flamurtari i Prishtinës do të duhet të luajë Play Out për të diskutuar mbijetesën.