Wolsburg e nis në mënyrën më të mirë të mundshme kampionatin, me “ujqërit” që arritën të mposhtin 2-1 Shalken, një sfidë ku nuk munguan dhe kartonët e kuq.
Një pjesë e parë e karakterizuar nga intensiteti i lartë i lojës, ku që në minutat e para skuadrat provuan të lëshonin sinjalet e tyre, me Wolsburgun që u shfaq disi më kërkues. Aksionet e vendasve u shpërblyen në minutën e 33-të, ku Brooks i dha avantazhin të tijve.
Fraksioni i dytë i sfidës ishte sërish elektrizues. Në minutën e 65-të,Shalke e pa veten në pozita të vështira, pasi Nastasich u ndëshkua me karton të kuq.
Vendimi nga ana e kryesorit Patrick Itrich erdhi pas konsultimit me VAR-in.
Sidoqoftë episodi nuk demoralizoi Shalken, pasi në të 85-ën Bentaleb tregohet i saktë nga pika e bardhë e penalltisë dhe rikthen baraspeshën. Por festa nuk zgjati shumë, pasi atëherë kur dukej se skuadrat do të ndaheshin në barazim, Ginzek arriti të finalizojë për t’i dhuruar ekipit të Wolsfburgut 3 pikët.
