Sezoni i ri në kampionatin e Maqedonisë së Veriut ka nisur me shumë probleme për skuadrën e Shkëndijes së Tetovës. Kuqezinjtë në gjashtë ndeshjet e para kanë grumbulluar vetëm 11 pikë duke krijuar një distancë prej shtatë pikësh me kryesuesit e Strugës.
Në këtë formë, duket se drejtuesit e klubit po mendojnë për të ndryshuar frymën në skuadër dhe trajneri Artim Shaqiri duket pranë largimit.
Pritet që mbyllja e marrëveshjes me trajnerin 48-vjeçar të marrë formë zyrtare së shpejti ndërsa skuadra deri në konfirmimin e teknikut të ri, mund të drejtohet nga ndihmësi i Shaqirit ndërsa një nga emrat më të përfolur për të marrë ekipin në vijim është Skënder Jonuzi.
