IPKO Superliga e Kosovës është rikthyer sot me dy ndeshjet e para të javës së 10, sfida në të cilat nuk munguan golat, por në fund buzëqeshën skuadrat mike.
Këhstu në stadioumin “Përparim Thaçi” të Prizrenit, Liria u dorëzua pa kushte ndaj skuadrës nga Mitrovica, Trepça ’89, duke u mposhtur me rezultatin 0-4.
Gjithçka u zhvillua në pjesën e dytë, me skuadrën e Maganit që zhbllokoi rezultatin në minutën e 47’ dhe më pas shënoi 3 herë të tjera, nga minuta e 85-të, deri në të 93-tën.
Fitore befasuese mori edhe Drenica, në transfertën kryeqytetase ndaj kuqezinjve të Flamurtarit, me rezultatin e pastër 0-3.
Miqtë shënuan dy herë brenda 5 minutash, 21’ dhe 26’, me anë të Dajakut dhe Ukës, ndërsa në fillim të pjesës së dytë Mustafa shënoi golin e tretë, duke mbyllur takimin dhe duke i dhënë Drenicës një fitore me shumë vlera.