Volleyball

Starton Europiani i femrave, njihuni me formatin dhe pretendentët

Një herë në dy vjet, ashtu siç e kërkon tradita, “Kontinenti i Vjetër” organizon fazat finale të Kampionatit Evropian të Volejbollit, si për femra ashtu edhe për meshkuj. Meshkujt duhet të presin për edicionin e 31-të, që do të mbahet nga data 13-29 shtator në Belgjikë, Francë, Holandë dhe Slloveni, sidoqoftë femrat e fillojnë aktivitetin e tyre tre javë më herët dhe bëhet fjalë për një kompeticion që sivjet ka pësuar ndryshime të mëdha.

Duke lënë mënjanë kampionatin e vitit 2009, që u zhvillua në Poloni, 5 nga 6 edicionet e tjera në kampionatin evropian të volejbollit për femra u organizuan nga dy vende, gjithsesi këtë radhë për herë të parë në histori ky aktivitet do të mbahet në katër shtete të ndryshme. Edicioni i 31-të, pra i kampionatit evropian të volejbollit për femra, do të zhvillohet në harkun e 17 ditëve në Hungari, Poloni, Sllovaki dhe Turqi, më saktë nga data 23 gusht deri më 8 shtator.

Dy vjet më parë në kampionatin e zhvilluar në Azerbajxhan dhe Gjeorgji morën pjesë 16 shtete gjithsej dhe Serbia dominoi edicionin e kaluar duke koleksionuar titullin e dytë në histori, trofe i fituar pa asnjë disfatë dhe me vetëm dy sete të humbur në total, me Belgjikën në fazën e grupeve dhe më pas me Holandën në takimin final. Këtë herë struktura e kampionatit ka ndryshuar plotësisht, madje është rritur ndjeshëm edhe numri i skuadrave pjesëmarrëse.

Kështu nga 16, numri i skuadrave përfaqësuese ka shkuar në 24 dhe nga 4 grupe me nga 4 ekipe, formati aktual i fazës hapëse ka ndryshuar dukshëm dhe tani përbëhet nga 4 grupe me nga 6 skuadra. Nga faza e parë kualifikohen plot katër skuadra nga secili grup dhe më pas gjithçka do të vazhdojë me formatin e zakonshëm me ndeshje me eliminim të drejtpërdrejtë.

Pra faza e “knock out”-it do të vijojë si gjithmonë me sfidat e 1/8-ave, fazën çerekfinale, atë gjysmëfinale dhe ndeshjen finale që do të përcaktojë të dielën e 8 shtatorit edhe skuadrën kampione. Përveç katër vendeve organizatore, Turqi, Poloni, Hungari dhe Sllovaki, tetë shtete si Serbia, Holanda, Azerbajxhani, Italia, Rusia, Bjellorusia, Gjermania dhe Bullgaria e kanë fituar të drejtën e pjesëmarrjes në këtë aktivitet nëpërmjet renditjes përfundimtare të evropianit të kaluar.

Ndërkaq 12 shtetet e fundit që kompletojnë kuadrin e 24 ekipeve, plotësohen me kombëtaret që kanë bërë më mirë në 6 grupet kualifikuese të “Kontinentit të Vjetër”. Nga Grupi A Belgjika me Slloveninë, nga Grupi B Kroacia me Zvicrën, nga Grupi C Greqia me Ukrainën, nga Grupi D Franca me Portugalinë, nga Grupi E Estonia me Finlandën ndërsa nga Grupi F Spanja me Rumaninë. 17 ditët do të jenë tepër të ngjeshura dhe skuadra përfaqësuese që do të kurorëzohet më 8 shtator është e shtrënguar për të luajtur plot 9 ndeshje në harkun e kësaj periudhe kohe.

Të hënën e ardhshme të gjithë ekipet do të kenë luajtur nga tre ndeshje në fazën e grupeve, kështu që ruajtja e energjive dhe freskisë fizike për pjesën e mëtejshme të këtij kompeticioni është e domosdoshme. Në mesin e javës së ardhshme nga dita e martë deri në ditën e enjte do të kompletohet përfundimisht edhe tabloja e plotë e 16 skuadrave që do të përballen ndërmjet tyre në fazat e mëtejshme me eliminim të drejtpërdrejtë, ku natyrisht do të ndahet edhe kalendari i mundshëm për secilin ekip, në rrugën drejt lavdisë.

Rusia konsiderohet si Superfuqi në “Kontinentin e Vjetër”, sepse ka trashëguar edhe trofetë e fituar nga Bashkimi Sovjetik, që koleksionoi plot 10 tituj në 11 edicionet e parë të këtij kompeticioni. Rusia madje ka fituar gjithashtu edhe 2 tituj në 3 edicionet e fundit të kampionatit evropian të volejbollit për femra, ndërkaq janë rritur shumë vende si Holanda dhe Gjermania, që gjithsesi kanë pësuar zhgënjime të mëdha në finalet e dekadës së fundit.

Kështu Gjermania numëron dy të tilla, në vitet 2011 e 2013, ndërsa Holanda që klasifikohet e shtata në botë është mundur tre herë në 10 vitet e fundit pikërisht në pengesën e fundit, ku dy prej këtyre finaleve volejbollistet portokalli i kanë humbur respektivisht me Rusinë dhe Serbinë në dy edicionet e fundit të këtij aktiviteti. Protagoniste pritet të jenë gjithashtu edhe kombëtare si Turqia, që përveçse vend organizator aktualisht mban edhe vendin e 12 në klasifikimin e përgjithshëm të FIVB, natyrisht Serbia që është nënkampione e botës dhe nënkampione olimpike apo qoftë edhe përfaqësuesja italiane që është gjithashtu pjesë e dhjetë skuadrave me renditjen më të mirë në rruzull.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency