Thiago Alcantara hasi probleme në sezonin e parë me Liverpoolin, ndërsa sivjet është një tjetër lojtar. Spanjolli është kthyer në liderin e mesfushës së “The Reds”, që regjistruan suksesin e 12-të radhazi në “Anfield”.
31-vjeçari zhvilloi një ndeshje të jashtëzakonshme, duke vendosur një rekord të veçantë përballë “armiqve” të Evertonit. Thiago realizoi më shumë pasime se gjithë ekipi i Lampard.
Plot 120 pasime plotësoi mesfushori, ndërsa Evertoni vetëm 94! Sigurisht që në këtë statistikë ndikoi edhe fakti që Liverpool mbajti topin në masën 81.7%, ndërkohë që e ka çuar në 50 pikë diferencën me ekipin tjetër të qytetit.