Observatori i futbollit, CIES publikoi sot të dhënat mbi minutazhin e futbollistëve, gjatë 5 viteve të fundit, teksa koha që mori në shqyrtim ishte ajo 01.01.2014, deri më 28.01.2019.
Në krye të listës së futbollistëve me më shumë minuta, është portieri slloven i Interit, Samir Handanoviç, i cili ka qëndruar në fushë për plot 17.010 minuta gjatë këtyre 5 viteve, në një total prej 189 ndeshjesh.
Sa u përket lojtarëve, (duke mos llogaritur portierët), futbollisti me më shumë minuta është spanjolli i Chelseat, Cesar Azpiliqueta, i cili ka qëndruar në fushë për 16.099 minuta, në 186 takime.