Feston sërish Struga. Si çdo vit, për festat ë nëntorit, FSHF organizon “Kupën Pavarësia”, ku marrin pjesë 4 ekipe. Skënderbeu, 2 Korriku i Prishtinës, Otrant i Ulqinit dhe Struga nga Maqedonia diskutuan ditën e sotme në Korçë këtë trofe simbolik. Ka qenë skuadra e Strugës që ka arritur që ta fitojë për të dytin edicion radhazi këtë trofe. Skuadra shqiptare, që luan në ligën e dytë maqedonase ka triumfuar minimalisht në finale me skuadrën e Otrantit nga Ulqini.Në gjysmëfinale, skuadra e Strugës ku luan edhe ish mesfushori i Flamurtarit, Teutës e Kukësit Nijas Lena mundi Skënderbeun me rezultatin minimal 1-0 me golin e Agon Hajredinit, ndërsa në gjysmëfinalen e dytë ishte Otranti që kaloi në finale vetëm falë 11-metërshave kundër 2 Korrikut. Finalja u vendos nga një gol në minutën e 8-të të takimit nga Lloga.
