Struga ngec në shtëpi në kampionatin e Maqedonisë së Veriut dhe sheh t’i afrohen Shkupi dhe Shkëndija. Skuadra e Shpëtim Duros e mbylli në barazim 0-0 takimin ndaj Makedonija GP.
43 pikë numëron Struga pas javës së 21-të, dy më shumë se kampionët e Shkupit. Kryeqytetasit triumfuan 3-1 përballë Rabotnickit, takim ku katër golat u realizuan në pjesën e parë.
LEXO EDHE:
- VIDEO/ Rrahmani gjen rrjetën dhe vulos fitoren e Napolit ndaj Atalanta-s
- VIDEO/ Seferi i pandalshëm, shënon golin e shtatë në Ukrainë
- Guardiola elozhe për mesfushorin: I shkëlqyer, por jo sa unë! Kundër Crystal Palace ishim perfekt
- Mposhti sëmundjen e keqe dhe i solli fat skuadrës kundër Liverpool, rikthehet pas 525 ditësh
Feston edhe Shkëndija. Kuqezinjtë fituan 2-1 përballë Akademija Pandev. Eraldo Çinari shënoi golat e fitores në fraksionin e parë të takimit.
Shkëndija regjistroi suksesin e dytë radhazi shtëpiak dhe është futur në garën për titullin, pasi ndodhet pesë pikë larg Strugës.