Festojnë Shkëndija dhe Struga në kampionatin e Maqedonisë së Veriut. Kuqezinjtë nga Tetova mposhtën 0-1 Akdemija Pandev, ndeshje që u vendos nga goli i Ardenis Shalës në pjesën e dytë.
Shkëndija është ngjitur në kuotën e 7 pikëve pas javës së tretë, dy më pak se Struga kryesuese, që arriti triumfin e tretë radhazi në kampionat. Struga fitoi 2-1 përballë Rabotnickit.
Kjo ndeshje prodhoi tre kartonë të kuq: dy për vendasit dhe një për Rabotnickin. Zija Merxhani kaloi shpejt Strugën në avantazh, por Rabotnicki riktheu baraspeshën në mesin e pjesës së parë falë rrjetës së Todorovskit.
Gjithsesi, Struga tentoi fitoren dhe e arriti atë falë golit të Sava Radic 15 minuta përpara fundit të ndeshjes. Në ndeshjet e tjera, Sileksi fitoi 3-1 përballë Skopje, ndërsa Tikves-Bregalnica përfundoi në barazim 1-1.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?
