Struga vijon të kryesojë elitën e futbollit të Maqedonisë së Veriut, ndërsa këtë të dielë mori fitoren 0-3 ndaj Bregalnica Stip.
Skuadra shqiptare dominoi të gjithë takimin, me golin e parë që u shënua në minutën e 9’ nga Maleski, i cili zhbllokoi sfidën.
Lexo edhe:
- Xavi nuk është i bindur, Juventus dhe Barcelona shkëmbejnë mesfushorët
- Federer apo Nadal? Tenisti grek zgjedh më të mirin në histori
- Dëmtimi i Kumbullës, FSHF dhe Presidenti Duka i urojnë shërim të shpejtë mbrojtësit kuqezi
- 20-vjeçari në fokusin e klubeve më të mëdha europiane, ish-futbollisti: I ngjan Gerrard dhe Lampard
Më pas, në minutën e 45’ Ibrahimi do të dyfishonte avantazhin për miqtë. Rezultati i këtij takimi u vulos nga Radeski, i cili realizoi golin e tretë për Strugën në minutën e 48’.
Pas javës së 30-të të kampionatit, Struga kryeson me 59 pikë, pesë më shumë se Shkëndija e vendit të dytë, teksa Bregalnica Stip renditet në vend të pestë me 37 pikë.
Shkupi fitoi me rezultatin 0-2 në transfertën ndaj Sileks. Pjesa e parë u mbyll me barazim pa gola, ndërsa u desh minuta e 49’ që të gjendej goli i parë. Ishte Cephas ai i cili gjeti rrjetën dhe I dhuroi avantazhin ekipit të tij.
Më pas në minutën 67’ Alvarez do të shënonte golin e dytë për skuadrën e Shkupit dhe njëkohësisht do të vuloste rezultatin e këtij takimi.
Pas raundit të 30-të të kampionatit maqedonas, Shkupi renditet në vend të tretë me 52 pikë, teksa Sileks qëndron në vend të katërt me 44 pikë.
