Connect with us

Hi, what are you looking for?

Bundesliga

Stuttgarti ‘fluturon’ me Guirassy, Dortmundi zhyt në krizë Unionin e Berlinit

Stuttgarti 'fluturon' me Guirassy, Dortmundi zhyt në krizë Unionin e Berlinit
Stuttgarti 'fluturon' me Guirassy, Dortmundi zhyt në krizë Unionin e Berlinit

Serhou Guirassy nuk ka të ndalur. Sulmuesi 27-vjeçar ka shënuar tre herë brenda 16 minutash në pjesën e dytë, duke përmbysur Wolfsburgun dhe ngjitur Stuttgartin në krye të renditjes me 18 pikë pas 7 javësh.

Futbollisti nga Guinea po rezulton një zbulim i vërtetë këtë sezon, pasi ka shënuar 13 gola në 7 ndeshje dhe falë tij fluturon edhe Stuttgart, që ka fituar 6 nga 7 ndeshjet e luajtura këtë sezon.

Triumf me përmbysje realizoi edhe Borussia Dortmund, që mposhti 4-2 Unionin e Berlinit, duke zhytur plotësisht në krizë kryeqytetasit, të cilët regjistruan humbjen e 7 radhazi në të dy kompeticionet, Champions dhe Bundesligë.

Fulkrug hapi serinë e golave për Dortmundin, por miqtë nga Berlini u kundërpërgjigjën me anë të Gosens dhe Bonuccit, me këtë të fundit që shënoi me penallti, duke dërguar të tijtë në avantazh në dhomat e zhveshjes.

Megjithatë pjesa e dytë foli tërësisht për verdhezinjtë, që barazuan me anë të Schlotterbek dhe kompletuan përmbysjen me Brandt e Ryerson, duke marrë një fitore që i ngjit në vendin e dytë me 17 pikë.

Në sfidat e tjera, Darmstadti i Klaus Gjasulës triumfoi me rezultatin 1-2 në transfertën ndaj Augsburg, me mesfushorin kuqezi që nuk ishte grumbulluar për një problem në ije, ndërsa Leipzig nuk shkoi përtej barazimit pa gola përballë Bochumit në shtëpi.

Lajme të tjera

Legjionarët

Mirlind Daku është kthyer në një nga lojtarët më të rëndësishëm të Rubin Kazan. Sulmuesi kuqezi u transferua gjatë verës tek skuadra ruse ku...

Spanjë

Xavi Hernandez do të largohet nga Barcelona në përfundim të këtij sezoni dhe tashmë presidenti Laporta është duke menduar për zëvendësuesin e trajnerit. Sipas...

Angli

Trajneri i Brighton, Roberto De Zerbi flet për të ardhmen e tij, e cila është një nga temat më të nxehta të ditëve të...

La Liga

Valencia ndal Realin e Madridit në “Mestalla” në një barazim 2-2, ku protagonisti kryesor i ndeshjes bëhet gjyqtari Gil Manzano. Po luhej minuta e...