Besa siguroi sot fitoren e parë në sezonin e ri në Kategorinë e Parë. Ekipi kavajas mposhti 2-1 me përmbysje Apoloninë e Fierit. Pjesa e parë u mbyll me avantazhin e ekipit mik, që kaloi në avantazh falë nigerianit Anthony (34’).
Gjithsesi, Besa luajti mirë në fraksionin e dytë të takimit dhe siguroi fitoren nëpërmjet golave të Gogës (83’) dhe nigerianit Onuj në minutën e fundit. Besa është ngjitur në kuotën e katër pikëve pas javës së tretë, po aq sa edhe Apolonia.
Kategoria e Parë kryesohet nga Dinamo me shtatë pikë, teksa vendi i dytë ndahet mes Korabit dhe Tërbunit me nga pesë pikë.