Pas një sërë negociatash, ditën e sotme, Maxi Lopez dhe Paul Richardson kanë blerë klubin e Birmingham City.
Blerja e klubit anglez nga ish-futbollisti argjentinas dhe biznesmeni Richardson do të finalizohet për dy vjet dhe do të ndahet në dy faza.
Në fazën e parë do të blihen 21% e aksioneve dhe stadiumi, që të dyja së bashku do t’u kushtojnë Lopez dhe partnerit të tij 25 milionë euro.
Ndërsa pjesa tjetër e aksioneve, plot 75% do të blihen në një fazë tjetër dhe për të ish-burri i Wanda Narës dhe biznesmeni Richardson do të paguajnë 10 milionë euro.
Sezonin e fundit skuadra e Birmingham e mbylli në vend të 20-të të Championship-it, ndërsa qëllimi është që skuadra të ngrihet në elitën e futbollit anglez, në Premier League, sa më shpejt që të jetë e mundur.